Жақсы Ақпараттар Сайты

Жақсы Ақпараттар Сайты

ТҰҒЫРЫН  ІЗДЕГЕН ЖАС ӨРЕН

Әдебиет

ТҰҒЫРЫН  ІЗДЕГЕН ЖАС ӨРЕН

ТҰҒЫРЫН  ІЗДЕГЕН ЖАС ӨРЕН

Мен оны үнемі жақсы жерлерден көріп жүремін: руханиятқа арналған әртүрлі қалалық, республикалық, халықаралық жиындардан. Әсіресе Алаш тақырыбы өзін қатты қызықтыратынын байқаймын. Жасы үлкендерге жақын жүреді. Әдейі сәлем бере барып, қатарлары сиреп, үйде отырып қалған қазыналы қариялардың көңілін аулайды, өткен өмірлерінен сыр тартып, бүгінгі жастарға өнеге-үлгі боларлық қазына жинайды. Мен оның осындай жүріс-тұрысына қарап, біраз жасқа кеп қалған ысылған жігіт пе деп ойлайтынмын. Жоқ, жиырмадан жаңа ғана қылаң берген бозбала екен. Қазір Л.Н.Гумилев атындағы Еуразия университетінің үшінші курс студенті. Осында «Ақ жол» демократиялық партиясының «Алаш жастары» атты жас қанат ұйымын құрып, өзі басқарып келеді. Алаш идеясын таратуда жастар арасында алымды жұмыс атқарып отыр. Дүниеден өткен Алаш арыстарының бүгінгі көзі тірі ұрпақтарын төңірегіне жинап алуы қандай көрегендік десеңізші. Кездесулер құрғақ болмай, қиянат көрген адамдардың тағдыр тәлкегі арқылы өткендегі ауыр күндер көз алдыңа келеді. Шынында, Алаш ардақтыларының бүгінгі көзі тірі ұрпақтары Роза Бисенова, Жамбыл Камелов, Әнуарбек Ералы, Дінәлі Тәңірбергенұлы, Қайырбек Кемеңгер үлкен толғаныспен, кейде көздеріне жас алып тұрып айтатын естеліктері тыңдаушыларын әсте де бей-жай қалдыра алмасы анық.

Есті адам жинайтын білім-біліктің түрлері көп қой. Соның ішінде ұлттық дәстүр, салт-санамен келетін рухани қазынаның орны бөлек. Жасының үлкен кішісіне қарамай бұл түсініктен айрылып қалып, одан мақұрым жүргендер қаншама қазір. Кенжебектің бұл жағынан да, қаршадайлығына қарамай, толымдығы бірден көзге түседі. Астананың ескі қорымында орыстардың Ақмола бекінісін күйреткен Кенесары хан сарбаздары және алашшыл аса ірі мемлекет қайраткері Смағұл Сәдуақасов жерленген. Кенжебек жетекшілік ететін жастар ұйымы жылына бірнеше рет осында орталарына молда алып, үлкендерді қатыстыра отырып, әруақтарға бағыштап құран шығартады. Студенттердің тиын-тебенінен құрастырып мұсылмандық жолымен шәй ұйымдастырып жіберетіндерін қайтерсің. Осындай жастарды көргенде, кейбір жүдеген қарт кісілердей жоқты айтып күңіренгің келмейді; керісінше, ел мен ұлттың болашағына сенесің, қуанасың. Биыл жазда ЭКСПО-2017 аясында өткен Маңғыстау облысының күндері туралы мақала жазған едім. Соны Кенжебек балам менен алып, «Маңғыстау» газетінде жариялатып, екі данасын әкеліп қолыма тапсырды. Мұндай алымды пысық жасқа қалай сүйсінбессің.

Менің қолымда қазіргі ірі басылым «Қазақ үні» гзетінің 2014  жылғы 18 наурыздағы № 11 саны. Он үшінші бет. Кенжебек Сержанұлына арналыпты. Басты мақаланы Маңғыстау облысының құрметті азаматы Дүйсембі Әріпұлы жазған. Жас өренмен қалай танысқаны жөнінде ол былай депті: «Ассалаумағалейкум, Дүйсембі аға, мен Кенжебек деген ініңіз боламын. Сізді танимын. Ұлы Отан соғысының ардагері, шежіреші әрі кітаптар жазған қаламгер ағаңыз Бисембі ағаны да білемін. Өткенде Жеңіс күнімен құттықтап кеттім…» Он алты жасында «Мерей» баспасынан бес бөлімнен тұратын, көлемі 15,5 баспа табақ «Бейбіт елдің ұланымын» деген кітап шығарған Кенжебек осылайша Дүйсекеңді бірден сүйсіндіріп, жас алшақтығын ұмыттырып, аралары байырғы дос-жарандардай болып кетіпті. Газетте бірнеше ақынның Кенжебекке арнаған жүрекжарды өлеңдері де басылыпты. Халық ақыны Қалбай Әбдіраман өзінің ашық турашыл мінезімен былай депті:

Кірбің болса көңіліңде сүртіп таста,

Болашақпен ешқашан мылтықтаспа.

Сәтті болсын алғашқы құт-қадамың,

Жаман болса кітабың…

Жыртып таста!..

Жаза білетін адамның жаңа жаза бастаған адамға айтар тура сөзі осындай болса керек-ті. Алайда, Кенжебек мырзаның алғашқы кітабы жатып қалмады, оқырманын тауып тез таралып кетті. Жігіт қанаттанды. Екінші және үшінші кітабын жазды. Тұғыры биік өрісіңді іздеуден шаршамай-талмай алға ұмтыла бер, қарымды жас – Кенжебек Сержанұлы!

 

                                                                  Өтен АХМЕТ,

жазушыдраматург,

                                                                                                       Астана қ.

30.10.2017 жыл.

Бөлісу:

Жақсы Ақпараттар Сайты

Пікір үшін басыңыз

Пікір қалдыру

Your email address will not be published.

Әдебиет айдарындағы жазбалар

  • Әдебиет

    Қазақтың Әбіші

    Авторы:

    Бүгін Әбіш туған күн. Тәңірдің  қазақтың маңдайына терең сөздің телегейін, шалқар ойдың шыңырауын сыйға тартқан күні....

  • Әдебиет

    АЛАШПЫЗ БІЗ!

    Авторы:

    (Алаш арыстары рухына арнау)   Алашпыз біз батыр жұрттан құралған, Жау келсе де тайсалмай еш тұралған....

  • Әдебиет

    Батыл бол, солдат!

    Авторы:

    Төпелеп төбеңнен құйғанда жауын, Күртең су болса да, жан жаурамасын. Сынақ деп ұғайық сынын Алланың, Өтеді...

  • Әдебиет

    Жарық түн

    Авторы:

    Жарық түн. Асфальттің жылтыры. Жауыннан буланды жол шамы. Көліктің жылжыған бір түрі, Кемеге еліктеп барады.  ...

  • Әдебиет

    Күзгі вальс

    Авторы:

    1975 жылдың күзі еді. Жапырақтар сары түске боялып, кейде қаланы тұман басып, кейде Табиғат ана өкпелеп...

  • Әдебиет

    Бір күні… (Сезім жырлары-2)

    Авторы:

    Көз жасын төгетін күздей даласын, Жалпақтан бас мейлі жалғаныңды да. БІР КҮНІ сен түк те сезбей...

  • Әдебиет

    Әке кеңесі

    Авторы:

    Әкем айтқан жігерлі сөздерден бастайын: 1. Әрқашан сенімді бол.Сенімің сені алдамайды. 2. Өз жолыңды, жүрек қалауыңды...

  • Мәдениет

    Нобель сыйлығын алмаған танымал жазушылар

    Авторы:

    Нобель сыйлықтары (шведше:Nobelpriset, ағылш. Nobel Prize) — жыл сайын әйгілі ғылыми зерттеу, революциялық жаңалықтар немесе мәдениет...

  • Әдебиет

    Ақын Әлімжан Әлішердің үздік туындыларынан..

    Авторы:

    Калайсың? Тағы сенің жүрегіңе кеп қалдым, Секундтардың, Сағаттардың, Шақтардың,- Маған қымбат елеңдетіп елесі, Елесіне алданғаным көп...

  • Әдебиет

    Күз деген – өлмейтін жарықтық

    Авторы:

    Пенделік қайғыру, мұңаю, Тіріге міндет боп жабысқан. Өтуде жалғанның жыл, айы, Құмсағат мұнара салысқан. Тұншыққан санада...

Соңғы жарияланымдар

АЛАШПЫЗ БІЗ!

Авторы: 28.11.2017
Жоғары