Жақсы Ақпараттар Сайты

Жақсы Ақпараттар Сайты

846 дайын жер учаскесі берілмек

Жетісу

846 дайын жер учаскесі берілмек

Алматы облысы әкімінің міндетін атқарушы Лаззат Тұрлашов Ұйғыр және Панфилов аудандарында жұмыс сапарымен болып, бірнеше нысандардағы құрылыс жұмыстарының сапасымен танысып қайтты, – деп хабарлайды Алматы облысы әкімінің баспасөз қызметінен.

Ең алдымен Лаззат Махатұлы Шонжы ауылының Солтүстік-Батыс бөлігінде бой көтеріп келе жатқан жеке тұрғын үй құрылысын жүргізуге арналған жер учаскелерінде инженерлік-коммуникациялық жүйелерін жүргізу жұмыстарымен танысты.

Ұйғыр ауданы әкімінің орынбасары Құралбек Бекмұханбетовтың сөзіне сүйенер болсақ, мұнда бүгінгі күні су құбыры, кәріз және электр жүйелері жүргізілуде. Сондай-ақ көшелерге арық жүйесі жүргізіліп, су жинақтаушы резервуарлар қойылған. Бұл жерде жеке тұрғын үй құрылысы үшін 846 жер учаскесі берілмек. Бас жоспарға сәйкес, болашақта 1200 орындық орта мектеп пен 280 орынға арналған балабақша да бой көтереді. 6 өрт сөндіру техникасына арналған өрт сөндіру депосы салынады. Сонымен қатар 3 га аумақты емхана салуға арнайы белгілеп қойған. Құрылыс жұмыстарының Бас мердігері – «Қиықбай строй сервис» ЖШС.

Бүгінгі күні жұмыстардың 70 % аяқталған. Нысанды пайдалануға өткізу мерзімі – ағымдағы жылдың қараша айы. Дайын учаскелер 2018 жылдан бастап жер алуға өтініш берген азаматтардың арасында кезек реті бойынша берілетін болады.

Тағы бір жақсы жаңалық, осы жерде жалға берілетін 10 баспананың құрылысы аяқталуға жақын. Ағымдағы жылдың 15 қыркүйегінде арнайы құрылған жұмыс комиссиясы нысандарды қабылдап, 20 қыркүйектен бастап түрлі санаттар бойынша тұрғын үй кезегінде тұрған азаматтардың арасында, кезегіне сәйкес беретін болады. Бұл нысандардың құрылысын жүргізген – «Арай» ЖШС. Аталған екі мердігер құрылыс серіктестіктері өз жұмыстарын белгіленген мерзімге сай уақытылы әрі сапалы жүргізуде.

Нысанның құрылыс жұмыстарымен танысқан өңір басшысы міндетін атқарушы Л.Тұрлашов атқарылып жатқан жұмыстардың қарқынын бәсеңдетпей, «Нұрлы жер» бағдарламасы аясында халықты баспанамен қамту мәселесін шешуді және Шонжы ауылын әрі қарай дамытуды тапсырды. Сондай-ақ өз сөзінде азаматтарға берілетін жер учаскелеріне үй тұрғызар алдында, әрбір жер иесіне салынатын үйлердің сәулет – құрылыс талаптарына сай болуын ескертуді тапсырды.

Осыдан кейін Л.Тұрлашов Панфилов ауданына барып, Нұркент қалашығының құрылысымен танысып, бірнеше нысандар бойынша жоспарға түзетулер енгізу қажеттігін атап, жұмыстарды белгіленген мерзімде тапсыруды және құрылыс материалдарының сапасына мән беруді тапсырды.

Бөлісу:
Пікір үшін басыңыз

Пікір қалдыру

Your email address will not be published.

Жетісу айдарындағы жазбалар

  • Жетісу

    “Абай жолы” үш секундта көшеді

    Авторы:

    Облыстық тілдерді дамыту жөніндегі басқарманың ұйымдастыруымен Тіл сарайында «Латын әліпбиі: техникалық мүмкіндіктер» атты жиын өтті. Шараға...

  • Жетісу

    Тарихтан сыр шертеді

    Авторы:

    Елбасының «Рухани жаңғыру» бағдарламасы аясында облыстық мәдениет, архивтер және құжаттама басқармасы мен М. Тынышпаев атындағы облыстық...

  • Жетісу

    Еңбек адамының еңсесі биік

    Авторы:

    Алматы облыс орталығындағы І. Жансүгіров атындағы Мәдениет сарайында Еңбек күні мерекесі ерекше аталып өтті. Салтанатты басқосуға облыс әкімінің...

  • Жетісу

    Сарқылмас мейірім

    Авторы:

    Қолы ашықтың жолы ашық» деген халық даналығы бар. Бір шаңырақ астында тату-тәтті өмір сүріп, ғұмыр кешкен...

  • Жетісу

    Сапасы жақсы, бағасы да арзан

    Авторы:

    Сенбі күні Талдықорған қаласындағы Қонаев көшесінің бойында орналасқан «ОптМаркет» көтерме сауда орталығы аумағында ауылшаруашылығы жәрмеңкесі өтті....

  • Жетісу

    Қарттарға құрмет

    Авторы:

    «Қазпошта» АҚ Алматы облыстық филиалы жыл сайын 1 қазан – Халықаралық Қарттар күнін кең көлемде атап...

  • Жетісу

    Ғылым-білім ордасы

    Авторы:

    І. Жансүгіров атындағы Жетісу мемлекеттік университеті – жер жаннаты Жетісу өлкесіндегі алғашқы, республикадағы 50-ші жоғары оқу...

  • Афиша

    «Жетісу жүйрігі» облыстық турнирі өтеді

    Авторы:

    Құрметті ұлттық ат спорт сүйер қауым!           Сіздерді 2017  жылғы 14 қазан күні Талдықорған  қаласындағы облыстық...

  • Жетісу

    Күзгі санитарлық айлық басталды

    Авторы:

    Бүгін Алматы облысында елді мекендерді санитарлық тазарту, абаттандыру және көгалдандыру айлығы басталды. Бұл шара көктемгі-күзгі екіайлық...

  • Жетісу

    Балқаш жағалауындағы ежелгі қалаларға экспедиция

    Авторы:

    Жуырда Текелі қаласының Туризм және өлкетану балалар мен жасөспірімдер орталығында зерттеу жұмыстарымен айналысып жүрген балалар жетекшілерімен...

Соңғы жарияланымдар

Жоғары