Жақсы Ақпараттар Сайты

Жақсы Ақпараттар Сайты

Шотландияның мақтаулы аралдары

Туризм

Шотландияның мақтаулы аралдары

Шотландияның мақтаулы аралдары

Аралда демалу барлығының арманы. Дегенмен, мыңдаған аралдың ішінен жақсысын табу өте қиын. Тау етегінде орналасқан, күннің батуы ерекше әдемі, халқы қонақжай аралды қайдан табуға болады? Назарыңызға Шотландияның мақтаулы аралдарын ұсынамыз.

Isle of Skye

Скай – Шотландияның көлемі жағынан екінші аралы. Ішкі Гебридтер архипелагына кіретін Шотландияның батысындағы арал туристерді әдемі тау шатқалдарымен баурайды. Аралдың ең биік нүктесі – теңіз деңгейінен 993 метр биіктіктегі Скур-Аласдайр тауы. Портри деп аталатын қала аралдың басты орталығы болып есептеледі. Түрлі-түсті үйлерімен аралға көрік берген қаладан түрлі дәмханалар мен мейрамханалар таба аласыз.

Hoy

Хой аралы – Оркней архипилагындағы үлкен аралдың бірі. Аралдың басты көрікті жері солтүстік-батысындағы Олд-Ман-оф-Хой тауы болып табылады. Ғалымдардың пайымдауынша, үнемі сумен шайылып тұратын тау құлап құлауы мүмкін. Аралдың солтүстік бөлігінде ұлттық саябақ болса, басқа бөліктерінде емдік шөптер алқабы бар.

Mull

Шотландияның батысындағы ішкі Гебрид архипелагының Малл аралы. Қала архитектурасы өте ерекше.Шотландиялық барон стиліндегі Тороссэй қамалы (Torosay Castle) мен Маклейн тайпасының қорғаны болған Дюарт (Duart Castle) аралдың басты ғимараттары болып табылады.

Islay

Ішкі Гебрид архипелагының оңтүстігіндегі Айлей аралы ирландия жағажайынан 40 км қашықтықта орналасқан. Аралдың жағажайға жақындығы соншалық, тіпті қолайсыз ауа-райында да көрші мекенді оңай көруге болады. «Ардбег», «Боумор» және «Баннахавейн» маркаларының шараптары дәл осы Айлей аралынан шығады.

Lewis and Harris

Жазықтағы Льюис пен қырдағы Харрис аралдары Британия аралдарындағы көлемі жағынан үшінші үлкен аралдар. Архипелаг халқы кельт мәдениетін әлі күнге дейін құрметтейді, оған қоса халықтың жартысы шотланд (кельт) тілінде сөйлейді.

Бөлісу:

Жақсы Ақпараттар Сайты

Пікір үшін басыңыз

Пікір қалдыру

Your email address will not be published.

Туризм айдарындағы жазбалар

Соңғы жарияланымдар

Әке кеңесі

Авторы: 12.10.2017

Сіз білесіз бе?

Авторы: 12.10.2017
Жоғары