Қазақстанда тұңғыш отандық тіл платформасы жарыққа шықты. TilBil Online Education компаниясы шет тілдерін қазақ тілінде үйрететін платформа арқылы азаматтарға ақысыз тіл үйрену мүмкіндігін беріп отыр. Қазақ, орыс, ағылшын және корей тілдерінің А1, А2 деңгейлерін тегін оқуға болады.
TilBil шет тілдерін қазақ тілінде онлайн оқытатын еліміздегі алғашқы компания. Компанияның негізі 2017 жылы қаланған. Алдымен ағылшын тілін жаңа методика бойынша оқытып бастады. Қазіргі таңда тілдер саны 5-ке дейін көбейген. Жақын арада 10 тіл курсына жеткізуді жоспарлап отыр. TilBil-ден тіл үйренушілердің қатарында Қазақстан халқымен қоса, көршілес елдерден Өзбекстан, Қырғызстан және қандастарымыз көп шоғырланған Қытай, Моңғолия және Еуропа елдерінен қатысушылар бар.
TilBil платформасы – қазақстандық ІТ жоба, тұңғыш тіл платформасы. Платформаны кез келген мобильді телеофонында қолжетімді. IOS пен Android жүйелері қолдайды. TilBil қолданушылары тіл курстарын тегін оқу мүмкіндігіне ие. Ол үшін бар болғаны платформаны жүктеп, тіркеліп, FREE (тегін) пакетін таңдайсыз. Бір ай ішінде өзіңізге ыңғайлы кез келген уақытта сабақтарды ақысыз қарай берсеңіз болады.
Интерфейсі ыңғайлы, түсінікті платформада бүгінде 15 000-нан астам адам оқып жатыр. Алғашқыда 10 000 адамды тегін оқытуды жоспарлағанымен, платформа әлі де қазақстандықтардың курстарға ақысыз қатысуына мүмкіндік жасап отыр. Платформа арқылы шет тілі курстарын оқып, арнайы сертификатқа қол жеткізуге болады.