Орталық сайлау комиссиясы Қырғызстан мемлекетіндегі дауыс беру қорытындысы жайлы ақпарат алды.
Әлеуметтік-демократиялық партия үміткері, экс-премьер Сооронбай Жээнбеков президент сайлауының 1 турында жеңіске жетті. Дауыс бергеннен кейін журналистер сұрағына жауап берген ол өзінің жеңетініне сенімді екенін көрсетті.
Сайлау нәтижелерін пресс-конференцияда ОСК төрағасы Нуржан Шайлдабекова жариялады.
Нәтижелерге үңілер болсақ, С.Жээнбековқа сайлаушылардың 54,23%-ы дауыс берді. Ал оның басты қарсыласы, оппозициялық үміткер Омурбек Бабанов 33,47% дауыс жинады. Ал үшінші орынға 6,41% дауыспен Мемлекет Қауіпсіздігі Кеңесінің экс-хатшысы Адахан Мадумаров жайғасты.
Дауыс беру Астана уақытымен таңғы 8.00-20.00 аралығында болып өтті.