«Астана Жастары» жастар ресурстық орталығының басшы орынбасары Ақерке Ақтай Қазақ технология және бизнес университетінің белсенділерімен кездесті. Кездесу ҚР Ақпарат және қоғамдық даму министрлігі «Азаматтық бастамаларды қолдау орталығы» КЕАҚ-ның мемлекеттік қолдауы аясында «Жігер.Абырой. Сана» қоғамдық қоры қолдауымен ұйымдастырылды.
ҚазТБУ жастары өздерінің алғашқы қадамдары мен жетістіктері туралы әңгімеледі. Өз кезегінде Ақерке Ақтай жастарды армандаған мақсаттарына ертеңгі күнге қалдырмай, осы сәттен бастап қолға алып, үкімет тарапынан жасалып жатырған үлкен мүмкіндіктерді жіберіп алмауға шақырды.
Сонымен қатар, басшы орынбасары студенттерді еңбекқорлыққа және білімге, арандатушылыққа және деструктивті ағымдарға жол бермеуге, бизнес негіздеріне және мемлекеттік қолдау бағдарламаларының басқа да бағыттарына шыңдалуға шақырды.