Бүгін BINOM SCHOOL оқушылары жолшы мамандығының артықшылықтары, автожол саласындағы кадр тапшылығы және жалпы еңбек нарығындағы сұранысқа ие мамандықтар туралы білді.
ҚР ИИДМ Жол активтерінің ұлттық сапа орталығы (ЖАҰСО) аталған мектептің 10-11 сынып оқушыларымен кәсіби бағдар беру жұмыстарын жүргізді.
ЖАҰСО бас директоры Замир Сағынов кәсіпорынның жұмысы және сұранысқа ие жұмысшы мамандықтары туралы, автожол саласындағы жас мамандар үшін жұмысқа орналасу мүмкіндіктері мен мансаптық өсу перспективалары туралы (лайықты жалақы, қызметкерлерге сыйақы беру, біліктілігін арттыру, автоматтандырылған жұмыс процесі) айтып берді.
Қазақстан аумағы жағынан әлемдегі 9 ел. Автожолдар желісінің ұзындығы — 96 мың км (республикалық маңызы бар 25 мың, жергілікті жолдар 71 мың). Сонымен қатар, ҚР-да 61 мың км. көше жолдары желісі бар. Жолдардың ұзындығы бойынша елдердің әлемдік рейтингісінде біз 32-ші орынды иемденеміз. Жолдардың сапасы бойынша, өкінішке орай, біздің еліміз 93-ші орында. Қазақстанның осы саладағы әлеуеті зор, алда көп жұмыс күтіп тұр. Алайда нарықта жақсы кадрлардың тапшылығы байқалады… Жол мамандарының жетіспеушілігі туралы ҚР Еңбек және халықты әлеуметтік қорғау министрлігінің «Еңбек ресурстарын дамыту орталығы» АҚ растайды. Олардың мәліметінше, Қазақстанда жол маманы ең көп сұранысқа ие болды…», — деп атап өтті ЖАҰСО бас директоры Замир Сағынов. Сонымен бірге, футурологтардың пікірінше, 2030 жылға қарай нотариус/заңгер, бухгалтер, несие менеджері, несие маманы, банк операторы, кассир сияқты мамандықтар жойылып кетеді екен».
Білім және ғылым министрлігінің деректері бойынша, қазақстандық ЖОО түлектерінің 30% — дан астамы осы жылы мамандығы бойынша жұмыс таба алмады (2021 жылғы әрбір үшінші түлек жұмысқа орналаспаған). Себептердің бірі-еңбек нарығының трендтері туралы ақпараттың болмауы.
«Мемлекет техникалық және жаратылыстану-ғылыми мамандықтарға гранттарды көптеп бөлуде (2022-2023 жылдарға инженерлік, өңдеу және құрылыс салаларына 17 794 грант бөлінді). Гуманитарлық, әлеуметтік ғылымдарға, журналистика мен ақпаратқа ең аз грант бөлінді. Бірақ жастар экономикалық және заңгерлік жоғары оқу орындарына түсуді жалғастыруда», — деді З.Сағынов.
Кездесу барысында ZOOM арқылы балалармен тікелей байланысқа ЖАҰСО зертханашысы Нұрғұлан Аманжол шығып, өзінің кәсіпорынға практикант ретінде келген сәттен бастап, осы кәсіпорында жұмысқа орналасып, одан шетелде біліктілік арттыру курстарынан өткені туралы айтып берді. Жас маман өз сөзінде жолшы мамандығының артықшылықтарын, мансаптық өсу мүмкіндіктері мен лайықты жалақы туралы айтып берді.
Бұл кездесуді — мектептерде жол мамандықтары бойынша кәсіптік бағдар беру жұмыстарын жүргізу үшін ЖАҰСО ұйымдастырған «2000 мектеп» акциясын іске асырудың бір бөлігі. Қызмет еткен жылдары Орталық еліміздің әр өңірінде 3 500 мыңнан астам мектепте кәсіби бағдар дәрістерін өткізді (2020 жылы – 1153 мектеп, 2021 жылы – 1389 мектеп, 2022 жылы – 1018 мектеп).
Білім беру мекемелерімен жұмыс істеу мектеп, жоғары мамандандырылған оқу орындарының түлектері арасынан мамандарды даярлауға, үздік оқушыларды іріктеуге, оларды автожол саласындағы жұмысқа бейімдеуге мүмкіндік береді. Оқушылар автомобиль жолдарында қолданылатын инновациялық технологияларды жолшымен талқылады.
Анықтама: ҚР ИИДМ Жол активтерінің ұлттық сапа орталығы 2019 жылы құрылды. Орталықтың 14 облыста және Республикалық маңызы бар үш қалада филиалдары бар. Қызмет саласына автомобиль жолдарын салу, реконструкциялау, жөндеу және күтіп-ұстау кезіндегі жұмыстар мен материалдардың сапасын сараптау, сондай-ақ жолдарды диагностикалау және аспаптық тексеру кіреді.