Оқиға Муй ауданындағы «Ирокинда» кенішінде болған. Технологиялық жолды тазарту жұмыстары кезінде қар көшкіні жүріп, бірнеше адам қар астында қалған. Қаза тапқандардың арасында Қазақстан азаматы да бар, деп хабарлайды Jas.kz @qazpress_kz телеграм каналына сілтеме жасап.
Ресей ТЖМ мәліметінше, оқиға кезінде аумақта тоғыз адам болған. Үшеуі өздігінен шығып үлгерсе, тағы алты адам қар астында қалып, көз жұмған.
Қазіргі уақытта қаза тапқандардың денелері толық шығарылып, іздестіру-құтқару жұмыстары аяқталды.
Аталған дерек бойынша қылмыстық іс қозғалды.