Еліміздің орта білім беру мекемелерінде оқу жылы 25 мамырда аяқталады. Бұл туралы Білім және ғылым министрі Асхат Аймағамбетов өзінің Telegram-каналында жазды.
«Еліміздің мектептерінде оқу жылын аяқтау және емтихандарды өткізу туралы бұйрыққа қол қойдым. Барлық қазақстандық орта білім беру мекемесі оқу жылын 25 мамырда аяқтайды. Жазғы мектеп 26 мамыр мен 17 маусым аралығында ұйымдастырылады. 9 және 11-сынып оқушылары үшін қорытынды емтихандары бекітілген кестеге сәйкес өткізіледі. Мектеп оқушыларының каникулы 1 қыркүйекке дейін жалғасады», делінген жазбада.
