Жұмақ мекен

1838

Мені өмір жолындағы шырғалаңға ұштаған

Саялы өлкем, кеңжайлауым кеңдігіңнен күшті алам.

Сенде өткен әр күн, әр түн бақытымның бастауы,

Алтын бесік – Үштаған.

 

Жазсам егер көңілдегі сағынышты ақтара

Сен туралы том – том кітап жазар едім мақтана.

…Сенің ауаң тап-таза емес, жұпар дей де алмаймын

Бірақ әлемдегі тәтті ауа.

 

Сендегі аспан көктерденде көгілдірек, тұңғиық,

Армандарға жетелейді тым биік.

…әнші болсам әнге қосып, ақын болсам егерде

Отырар ем саған ғана жырды үйіп.

 

Шалғайдағы шаңды ауыл болғаныңмен сен мейлі,

Талай шайыр топырағыңнан түлеткенсің елге игі.

Мен де атыңды Үшқоңырдай қалдырар ем тарихта

Әттең… Патша болғым келмейді.

 

Сенде жүрген адамзаттың қабағы да ашық тым,

Содан болар алыс кетсем кеңдік іздеп асықтым.

Ұғындырған туған жерге деген сезім не екенін

Мен далаңа ғашықпын.

Менің жұмақ мекенім.

Бөлісу:
Алдыңғы мақалаЕуропа астаналарының қайсысы өмір сүруге қолайлы?
Келесі мақаладаПойыздың ұшақтан қандай артықшылығы бар?