Қызмет бабында қаза тапқан полиция қызметкерлерінің балаларына грант беріледі. Бұл әскери, құқық қорғау және арнайы мемлекеттік орган қызметкерлерінің балаларына қатысты қолға алынған шара. Бұл туралы «Алматинская трагедия» Telegram каналы жазды.
ҚР Білім және ғылым министрі Асхат Аймағамбетов министрліктің алдына қазақстандықтардың сапалы білім алуына жол ашу керек деген міндетті орындауға кірісіп кеткенін айтты.
«Мен мемлекет тарапынан жасалған осындай қолдау шарасының өте қажет екеніне сенімдімін. Алматыда болған қайғылы жағдайлар кезінде қаншама адамның ел азаматтарының қауіпсіздігі үшін өз өмірін құрбан еткенінің куәсі болдық», деді ҚР Білім және ғылым министрі.
