Азаматтық бастамаларды қолдау орталығы қызметін қаншалықты адал атқарып отыр? Бұл сұраққа Азаматтық бастамаларды қолдау орталығының Жобаларды басқару департаментінің басшысы Жасұлан Бисембиев Есен Елеукенге берген сұхбатында жауап берді.
«Әрине, барлығы заң жүзінде жүзеге асады. Адалдық жөнінде айтар болсақ, іште жүріп, іштегі процестерді көргендіктен адал қызмет атқару жағынан күмәнім жоқ. Енді тиімділік мәселесіне келсек, оған өзіміздің де, біздің айналамыздағы ұйымдардың да, бізді бақылаушылардың да айтар сыны бар. Әрине ол сындармен біз жұмыс жасауымыз керек. Біздің ойлаған жобаларымыз әркез тиімді жүзеге асады деп ойламаймын, өкінішке орай», деді Жасұлан Бисембиев.
Айта кетейік, орталық қоғамдық ұйымдарға, жастар ұйымдарына, түрлі қайырымдылық ұйымдарына мемлекеттік гранттар табыстаумен айналысады.
