Астананың Есіл ауданындағы Сығанақ көшесінде LRT желісінің электр кабельдерінен өрт шықты.
Оқиға орнына жедел жеткен LRT мамандары алдымен электр желісін кернеуден ажыратқан. Осыдан кейін Төтенше жағдайлар министрлігінің қызметкерлері Vario Carbon автономды ранцтық өрт сөндіргішінің көмегімен өртті толық сөндірді.
Алдын ала мәлімет бойынша, зардап шеккендер жоқ. Оқиғаның себептері анықталып жатыр.