9 сәуірде қазақстандық боксшы Геннадий Головкин IBF және WBA Super тұжырымдары бойынша орта салмақтағы әлем чемпионы атанды, деп хабарлайды Prosports.kz.
Сайтамада (Жапония) Головкин WBA Super және IBF титулдары үшін жекпе-жекте жапониялық Риота Муратаны (16-3, 13 КО) нокаутқа түсірген болатын.
Дүниежүзілік бокс қауымдастығының жаңартылған рейтингінде Головкин ресми түрде ұйымның «суперчемпионы» атанды. Алайда, титулдарға ие болған соң ол белбеулерін міндетті және ерікті түрде қорғайды. Сонымен, GGG-дің титулына екі негізгі үміткер бар: WBA белбеуінің иегері кубалық Эрисланди Лара және рейтингтің бірінші нөмірі, ұлыбританиялық боксшы кіші Крис Юбэнк.
Лара титулын 29 мамырда Нью-Йоркте қорғайтыны белгілі – ол ирландиялық Гэри О’Салливанға қарсы жұдырықтасады. Юбэнктің әзірге жоспарланған жекпе-жегі жоқ, бірақ GGG-ге қарсы рингке шыққысы келетінін бірнеше рет білдірген.
