«JAIDARMAN LIVE» Нұр-Сұлтан қаласының ашық чемпионатының 1/4 ойындары өткен болатын. Жалынды жастардың басын қосқан «Жайдарман» әзілқойлар мен тапқырлар сайысы көпшіліктің сүйіп көретін және сүйіп ойнайтын әзіл алаңы. Жайдарман қозғалысы қазіргі кезде еліміздегі әр мектепте, жоғары және арнайы оқу орындарымен қатар, мекемелерде де құрылып, елімізде кеңінен танылып келеді.
Жайдарманның ең басты ерекшелігі- өз шығармашылығына өмірдегі, саясаттағы, жалпы қоғамдағы болып жатқан құбылыстарды өзек етуінде және де халықтың заманауи сұранысының талаптарына сай болуында.
Сахна мәдениеті мен шеберлік, би, ән, мимика, сөйлеу мәнері, ой ұшқырлығы сияқты өнер атаулының түрлі жанрларын қамтитын аталмыш ойын шығармашыл жастардың орталығы.