БҰҰ Украинадағы оқиғаларға байланысты әлемде азық-түлік бағасы рекордтық деңгейге жеткенін айтты, деп хабарлады Elorda.info.
Біріккен Ұлттар Ұйымының Азық-түлік және ауылшаруашылық ұйымының мәліметінше, Украинадағы қақтығыс негізгі дәнді дақылдар мен өсімдік майлары нарығында дүрбелең тудырып, наурыз айында жаһандық азық-түлік бағасының ең жоғары деңгейге көтерілуіне себеп болды.
Алғашында қымбатшылықтың зардабын кедей елдер тартса, енді дамыған мемлекеттер де сезіне бастады. Осыған байланысты БҰҰ жағдай өзгермесе, әлемнің біраз аймағына аштық қаупі төнеді деп ескертті.
