Елімізде мемлекеттік автонесиелендіру бағдарламасы сәуір айында іске қосылатыны белгілі болды. Бұл туралы премьер-министрдің бірінші орынбасары Роман Скляр мәлімдеді, деп хабарлады Elorda.info.

Автонесие бағдарламасы «Жасыл даму» есепшотында жиналған қаражат есебінен жүзеге асырылады. Мемлекеттік бағдарламаның бюджеті – 100 млрд теңге.

Жеңілдетілген несиенің шарттары келесідегідей болады: несие жылына 4%-бен беріледі, бірақ алғашқы салымды төлеудің қажеті жоқ. Қазір де автокөлік несиесі жылына 4%-бен берілсе де, жүргізуші алғашқы жарна ретінде көлік бағасының 20 пайызын төлейтін еді. Ал жалпы несие жеті жылға берілетін. Осылайша біздің 71 мың азаматымыз жаңа көлікті тиімді бағада сатып ала алады, – деген болатын бұған дейін Роман Скляр.