Қазақстан Республикасының Президенті – Қарулы Күштердің Жоғарғы Бас қолбасшысы Қасым-Жомарт Тоқаев бұрынғы Қорғаныс министрін өз міндетін дұрыс атқара алмады деп сынға алды.
Президент бұл туралы пікірін Қорғаныс министрлігінің басшылық құрамымен кеңесте айтты деп хабарлайды Ақорда.
«Қаңтар оқиғасы кезінде Қарулы Күштер өзіне сенімсіз әрі қабілетсіз басшылығының кесірінен жүктелген міндеттерді тиісті деңгейде атқара алмады. Министр Бектанов командирлік қабілетін көрсете алмады. Командалық-штабтық және әскери жаттығулар кезінде оң нәтиже көрсеткен армиямыз бола тұра, сын сағатта оның әлеуетін пайдалана алмадық. Сырттан көмек шақыруға мәжбүр болдық» Қасым-Жомарт Тоқаев ҚР Президенті