Балеар аралдарының билігі (Испаниядағы архипелаг) әлемдік туризм индустриясында жаңашылдық орнатуда: төмен санаттағы қонақүйлерді сатып алып, оларды жабуды жоспарлап отыр, — деп хабарлайды Kaz.tengritravel.kz тілшісі АТОР сайтына сілтеме жасап.
2022 жылы архипелагтың 1,2 миллион тұрғынына 625 мың төсек-орын құрады және бұл әлемдегі ең үлкен көрсеткіштердің бірі. Нәтижесінде жазда аралдарға тым көп демалушылар келеді.
Биыл Балеарларда «жаппай жою туризмі» деген термин пайда болды.
Жергілікті билік негізінен ұлыбританиялық жастар сатып алатын ең арзан қонақүйлердегі орындарды азайтуды қалайды. Мұндай туристердің мас және қоғамға қарсы ерсі қылықтары курорттардың беделіне нұқсан келтіреді, дейді шенеуніктер.
Испанияның бұл аймағында туризм туралы жаңа заң қабылданды. Ол жаңа ойын-сауық мекемелерін ашуды шектейді, сонымен қатар 40 мыңға жуық орынды жоюды көздейді. Олардың ішінде бір және екі жұлдызды қонақүйлер, түнгі барлар мен асханалар бар. Олар иелерінен сатып алынады. Бұл мақсаттар үшін бюджетке он миллион еуро салынды. Содан кейін шенеуніктер оларды жабу немесе инвесторлардың көмегімен жоғары деңгейдегі демалыс орындарына ауыстыру туралы шешім қабылдайды.
Осы шараның көмегімен атқарушы билік бірінші кезекте Ибица мен Майоркадағы туристік ұсыныстың сапалы жаңаруына ықпал етуге ниетті.
