Батыс Қазақстан облысындағы Достық ауылының тұрғыны Нәдір Қуанаев қардан мешіт көшірмесін жасады. Бұл туралы sputnik.kz сайты жазды.
Бұл — Абай даңғылында орналасқан Орал мешітінің көшірмесі.
Нәдір Қуанаев Instagram-дағы парақшасында қардан тұрғызылған мешіт көшірмесінің суреті мен видеосын жариялады. Желі қолданушылары оның жұмысына тәнті болды. Қардан жасалған мешітке шебер жарық тартуды да ұмытпапты.
Қар мешіт 20 күнде бой көтерді. Ол үшін 3 тоннаға жуық қар қажет болды.
Өткен жылы талантты жігіт қардан көлік жасаған.