Мемлекет және қоғам қайраткері Оралбай Әбдікәрім Қазақстандағы тұрғын үйлердің сапасын сынға алды. Бұл туралы ол Есен Елеукенге берген сұхбатында айтты.
«Мемлекет тапсырған үйлердің сапасы өте төмен. Ол неден дейсің ғой. Өйткені оның жобасын жасағанда қаржы бөлініп, жобаға, барлық операцияға төленеді де, сосын басшыларына 10-20-30% пара береді, содан кейін сапасыз дүние шығады. Қаражат жетпейді, себебі бөлінген ақшаны алдын ала басқа адамдарға беріп қойған», дейді Оралбай Әбдікәрім.
Оның айтуынша, жемқорлықты жеңудің бір жолы — жариялық, ашықтық.