Батыс және оңтүстік өңірлерде білім беру, мәдениет, спорт нысандарын салу үшін қосымша 20 млрд теңге бөлу жоспарланған. Бұл туралы ҚР Премьер-Министрінің орынбасары Ералы Тоғжанов айтты.
«Мемлекет басшысының тапсырмасына сәйкес, «Ауыл – ел бесігі» бағдарламасы аясында батыс және оңтүстік өңірлерде білім беру, мәдениет, спорт нысандарын салу үшін қосымша 20 млрд теңге бөлу жоспарланған. Бір аптаның ішінде әкімдермен бірлесіп, аталған өңірлерде білім беру нысандарын салу жоспарын әзірлеу қажет. Үш ауысымды және апатты мектептер проблемасын шешуге айрықша назар аудару керек», — деді Үкімет басшысының орынбасары Білім және ғылым министрлігінің кеңейтілген алқа отырысында.