Бүгін Спорт күніне орай Талдықорғандағы Оқушылар сарайында Рио-де-Жанейрода өткен Олимпиада ойындарының жүлдегерлеріне құрмет көрсетіліп, спорт ардагерлері мен сала қызметкерлері марапатталды, деп хабарлайды Алматы облысы әкімінің баспасөз қызметі.

Жиналғандарды облыс әкімінің бірінші орынбасары Лаззат Тұрлашов  құттықтады.

Л. Тұрлашов Олимпиаданың ауыр атлетикадан қола жүлдегері Карина Горичеваға 10 млн. теңгенің сертификатын, Олимпиадада 5-ші орынға табан тіреген ауыр атлетші Маргарита Елисееваға 3 млн. теңгенің сертификатын ұсынды. Сол сияқты спортшылардың жаттықтырушыларына да ақшалай сыйлық берілді.

Сондай-ақ, шараға шақырылған бірқатар азаматтар «Құрметті спорт қызметкері» төсбелгісімен, облыс әкімінің құрмет грамоталарымен, алғыс хаттарымен марапатталды.