Астанада №37 С. Мәуленов атындағы мектепте «Назар аударыңыз, бағдаршам!» кең ауқымды шарасы өткізілді. Балалар ойын түрінде жол жүру ережелерімен танысып, жолдан дұрыс өтуді және қоғамдық көлікте өзін-өзі қалай ұстану керектігін үйренді, деп хабарлайды қалалық әкімдіктің баспасөз қызметі.

Шараны қыркүйектің 1-мен 10 аралығында өтетін жол-көлік травматизмінің профилактикасына арналған он күндік аясында Астана қаласының Салауатты өмір салтын қалыптастыру орталығы 2016-2019 жж. арналған «Денсаулық» денсаулықты дамыту мемлекеттік бағдарламасын іске асыру аясында ұйымдастырып отыр.

— Біз мемлекеттік органдардың, қоғамның назарын балалар арасындағы жол-көлік травматизмі проблемаларына аудармақпыз. Бір жылда 40 мектептегі 1-4 сынып оқушыларын қамтимыз. Акция театрландырылған қойылым формасында өткізіледі, балалар жол жүру ережелерімен танысады, мектепке және үйге апаратын жолдарға баса назар аударылады. Балалардың осы санаты ақпаратты ойын түрінде жақсы қабылдайды, — дейді Астана қаласының Салауатты өмір салтын қалыптастыру орталығының директоры Ақмарал Құрманбаева.

Балаларға «Фиксики» анимациялық мультсериалдың кейіпкерлері Симка мен Нолик қонаққа келді. Олар жол үстінде, қоғамдық көлікте, бағдаршамның жанында көңілді және өнегелі сахналық қойылымдар көрсетті. Оқушылар жол қозғалысы ережелері туралы сұрақтарға белсенді жауап берді.

Айта кетейік, Денсаулық сақтау басқармасының мәліметінше, жыл басынан бері қалалық ауруханаларға жолдарда алған жарақаттармен 398 бала жатқызылды.