Үстіміздегі жылдың қаңтар-тамыз айларында негізгі капиталға салынған инвестициялар көлемі 461692,1 млн теңгені құрады. Бұл өткен жылмен салыстырғанда 1,8% артық. Негізгі капиталға жұмсалған инвестициялардың республикалық көлеміндегі Астана қаласы көлемінің үлесі 10,6%-ды құрады, деп жазады қалалық әкімдіктің баспасөз қызметі.

Инвестициялардың басым бөлігі жеке меншікті кәсіпорындармен игерілген, олар жалпы көлемнің 76,4% алып отыр.

Қаржыландыру көздері бойынша негізгі капиталға жұмсалған инвестициялардың құрылымында кәсіпорындардың, ұйымдардың және тұрғындардың меншікті қаражаттары 58,8%-ды алады, бюджет қаражатының үлесіне 24,7%-ы келеді, банк несиелері 1,5%, басқа қарыз қаражаттары 15%-ды  құрайды.