Құрметті оңтүстікқазақстандықтар! Еліміз үшін аса маңызды мереке – 1 желтоқсан Қазақстан Республикасының Тұңғыш Президенті күні құтты болсын!
Тәуелсіз еліміздің Тұңғыш Президенті халқымыздың татулығы мен бірлігінің, Отанымыздың өркендеп алға басуының басты шарты бола білді. Егеменді ел болған Қазақстан ширек ғасыр уақыт аралығында ұлттық бірліктің үлгілі моделіне айналды. Бұл — бүкіл елдің ауызбіршілігі арқасында келген бақыт. Қазақстан – біртұтас жер, біртұтас халық, біртұтас болашақ.
Мемлекет басшысы Н.Ә.Назарбаев бүкіл саналы ғұмырында Қазақстан халқының бақытты өмірі, баянды болашағы үшін бар қажыр-қайратымен еңбек етіп келеді. Өткенімізді саралай қарасақ, Елбасының сарабдал саясатының арқасында Қазақстан тайғақ кешулерден сүрінбей өтіп, беделді де абыройлы, әлемдік қауымдастық мойындаған, жедел дамудың даңғыл жолына түскен елдердің қатарына енді.
Құрметті жерлестер!
Сіздерді Қазақстан Республикасының Тұңғыш Президенті күні мерекесімен құттықтаймыз. Қашан да тұғырымыз – тыныштық, тірлігіміз –тұрақтылық, тілегіміз – татулық болсын!
Оңтүстіктік Қазақстан облысының әкімі
Ж.Қ.Түймебаев