UEFA.com Астана — Галатасарай матчына жасаған превьюлерінде қос командаға қатысты қызықты деректер жинапты.

• 2009/2010 маусымындағы Еуропа Лигасы іріктеу матчында қазіргі Галатасарай құрамындағы Сабри Сарыоғлу мен Хакан Балта Тобылға қарсы ойнапты. Қостанайда 1:1 тең түсіп, Стамбулда Галатасарай 2:0 жеңген.
• Бурак Йылмаз, Сельчук Инан, Семих Кая және Умут Булут Түркия Ұлттық Құрамасы сапында 2014 жылдың 16 қарашасында ЕУРО-2016 іріктеу матчында Алексей Щеткин, Абзал Бейсебеков, Дмитрий Шомко және Бауыржан Джолчиевке қарсы ойнаған. 3:1 есебімен түріктер жеңген матчта Бурак Йылмаз 2 гол соққан.
• Бурак Йылмаз сондай-ақ 2011 жылдың 2 қыркүйегінде ЕУРО-2012 іріктеу матчында Түркия Қазақстанды 2:1 жеңген матчта алғашқы голды соққан.
• Стоилов 2011/2012 жылғы Чемпиондар Лигасы 3-іріктеу турында Галатасарайға қарсы Левски София құрамында ойнады. 1:1 және 2:1 есептерімен Галатасарайдың пайдасына шешілген турда Стоилов Левскийдің капитаны еді.
• 1992/1993 жылдары Стоилов Фенербахче құрамында Галатасарайға қарсы 2 рет ойнап, 3:2 есебімен жеңілген алғашқы матчында гол соққан.
• Лукас Подольски Германия Ұлттық Құрамасының 2010 жылдың 12 қазанында ЕУРО-2012 іріктеуінде Астанада Қазақстанды 3:0 жеңген матчында соңғы голды салған.