Алматы облысының әкімі Амандық Баталов жүгері өсірушілердің жағдайын жақсартып, жүгерінің сапасын арттыру бойынша жұмысты қолға алмақ. Бұл жөнінде өңір басшысы бүгін Панфилов ауданына жұмыс сапары барысында айтты — деп хабарлайды jas.kz.
— Бүгінгі күні субсиядияны халық алып жатыр, жергілікті бюджеттен де тиісті қаражат бөлініп, көмектесіп жатырмыз. Біз өз тарапымыздан шаруаларға өнімдерін топырақ, тасқа емес дұрыс жерге жинауға жағдай жасап бердік. Қырмандары келесі айда аяқталады. Шаруалардың өнімдерін қабылдап алатын зауытқа өткен жылы 380 млн теңге қаржы бөліп, көмектескен болатынбыз. Нәтижесінде былтыр зауыт 38 мың тонна өнім қабылдаса, биыл реконструкцияның нәтижесінде 60 мың тоннаға дейін өнім қабылдай алатын жағдай жасалып отыр. Ендігі кезекте қымбат комбайндарды алуға мүмкінігі жоқ шаруашылықтардың қиналмауы үшін зауыт арқылы сол мәселені шешуді көздеп отырмыз. Яғни, орталық құрып оған комбайн, трактр сияқты арнайы техникалармен жабдықтап, шаруаларға жер жыртуға көмектесіп, кейіннен оны жинауға көмектесетін болсақ шаруалардың жағдайы бұдан да жақсара түсер еді. Жүгерінің де көлемі ұлғайып, сапасы да артады. Бүгін осы мәселелерді қолға алу туралы шешемге келдік, — деді.
