Фильмдер фестивалі 21 қазан күні басталады.
«Бастау» V халықаралық студенттер мен дебюттік фильмдер фестивалі бес күнге созылады. Байқау барысында қатысушылар өздерінің туындыларын таныстырып, кәсіби киноматографтар мастер-класс ұйымдастырады деп жоспарлануда.
Шараның басты қатысушылары — студенттер. Фестиваль шеңберінде Еуразия кино мектептерінің қауымдастығы құрылған. Оның құрамында Бүкілресейлік мемлекеттік кинематография институты, сондай-ақ, Еуропа және Азия елдерінің белгілі жоғары оқу орындары бар. Осынау іс-шара қазақстандық жастарға студенттер алмасу жүйесі бойынша осы елдерде білім алуларына мүмкіндік береді.
«Бастау» — түрлі жанрлардағы қысқа метражды фильмдер фестивалі, яғни сайысы. Байқаудың жеңімпаздарына бір миллион теңгеден екі грант берілетін болады. Жеңімпаздар бұл ақшаға ендігі жылы да өтетін осы фестивальге өздерінің туындыларын түсіріп, көпшілікке ұсынуға мүмкіндік береді. Айта кетейін, бұл байқауға өз фильмін түсіруді арман етіп жүрген кинематография саласындағы жоғары оқу орындарының студенттері мен қарапайым киноәуесқойлар да қатыса алады. Жобалар драматургия, визуалды шеберлік және сценарийдегі көтерілген тақырыптың өзектілігі бойынша бағаланады», деді фестиваль директоры Сергей Азимов.
Айта кетейік, байқауға Қазақстанның 18 жас пен 35 жас аралығындағы азаматтары бақ сынайды. Оған қатысуға өтініш ағымдағы жылдың 20 қазанына дейін жалғасады.