«Таза болса табиғат, аман болар адамзат» — деген. Еліміздегі экологиялық ахуалдың жақсаруы, тазалықтың сақталуы қоғамның әрбір мүшесіне байланысты екені сөзсіз ақиқат. Осыған орай 2015 жылғы 17 қазан күні Алматы облысы аумағында жалпы облыстық сенбілік өткізілмек. Сенбілік барысында арнайы бөлінген техникалар Талдықорған қаласы мен елді мекендердің көшелерінде жиналған күл-қоқыстарды тиеп, арнайы орындарға алып кететін болады. Сондықтан Талдықорған қаласының тұрғындарын үйлерінің маңайын тазалап, күл-қоқыстарды жинап, сенбілікке бір кісідей атсалысуға шақырамыз. Тазалық шарасы сағат 09.00-де басталады.