Ұлттық музей мен Мемлекеттік Эрмитаж арасындағы ынтымақтастық келісімін жүзеге асыру аясында Тұңғыш Президент күніне орай Астанада алғаш рет Эрмитаж күндері өтеді. Бұл туралы ҚР Президенті жанындағы Орталық коммуникациялар қызметінде өткен брифингте ҚР Мәдениет және спорт вице-министрі Ғалым Ахмедияров мәлім етті. 

Шараға мемлекеттік Эрмитаж директоры Михаил Пиотров келеді деп күтілуде. Ғалым мамандарға шеберлік сағатын өткізіп, дәріс оқымақ. Сонымен қатар жиында еліміздегі мұражайлардың жұмыс форматын жаңғырту мақсатында Ұлттық Кеңес құру мәселесі талқыланды. Яғни 200-ден астам мұражайдың басын біріктіріп, өзара байланысты нығайту қолға алынбақ.