АҚШ президенті Барак Обаманың қытайлық егізі Сяо Цзиго онминуттық өнер көрсетуі үшін $1,5 мың табыс табады, деп жазады NBC News. 29 жастағы Цзигоның сөзінше, АҚШ президентімен ұқсастығын жұрттар 2008 жылы байқаған. «Мен бірде күн қатты ыстық болғасын шашымды қиғызып жатқам. Сол кезде Обама туралы жаңалықтарды көп оқитын әріптестерімнің бірі маған сен оған аумайсың деген еді», — дейді Цзиго. Сяо Цзиго ол кезде тіпті Обаманың кім екенін де білмегенін алға тартты.
Айта кету керек, Цзиго 2012 жылы Chinese Dream Show атты қытай шоуынан бері танылған.