Бұл туралы Орталық коммуникациялар қызметіндегі баспасөз мәслихатында «Expo & Women» (халықаралық әйелдер ұйымы) президиумның төрайымы Салтанат Рахымбекова мәлім етті.

– Әлемдік қоғамдастық біздің түр­лі бастамаларды Италия алаңында өткізуді қолдауға дайын. Біз кино­фес­тивальді өткізуді ұйымдастырған кезде Италияның алдыңғы қатарлы режиссерлерімен кездесіп, экология, инновациялар мен «жасыл» техно­ло­гиялар туралы әлеуметтік роликтер бай­қауын өткізу туралы келістік, –деді С.Рахымбекова.
Оның сөзіне қарағанда, бұл тұр­ғыда әлемдік режиссерлер осы та­қырып бойынша өздерінің жұ­мыстарын жібере алады. Осы шара болашақ энергиясына негізделген «ЭКСПО–2017» көрмесінің тақыры­бын алға жылжытуға қолдау болмақ.
Италияда Қазақстандағы БҰҰ Даму бағдарламасының қолдауымен ҚР Президенті жанындағы Әйелдер ісі және отбасылық-демографиялық сая­сат жөніндегі Ұлттық комис­сия­мен бірлесіп,  Қазақстанның «Expo & Women» халықаралық әйелдер ұйы­мы ұйымдастырған «Болашақ энер­гия: әйелдер, бизнес және жаһан­дық экономика» атты алғашқы іскерлік форумы жұмысын аяқтады. 19-26 қазан аралығында өткен фору­м­ға халықаралық әйелдер ұйым­да­рының, ірі мемлекеттік және жеке ком­паниялардың өкілдері, іскер топ­­тар қатысты.
Айта кетейік, ҚР Президенті  жа­нындағы Әйелдер ісі және отба­сы­лық-демографиялық саясат жөнін­де­гі Ұлттық комиссияның қол­дауы­мен Қазақстандағы ЭКСПО көрмесін қол­дау мақсатында «Expo & Women» қозғалысы пайда болды. Осы орайда ЭКСПО көрмелеріне әйелдердің ба­рынша үлесін қосу мақсаты қойыл­ған.

aikyn.kz