Бүгін елімізде шыбықтан бұйым тоқитын аалғашқы әлеуметтік шеберхана ресми түрде ашылды. Мұнда бұл өнерге қызығушылық танытатын кез-келген адамға жұмыс істеуге мүмкіндік бар.
Шыбықтан бұйым тоқитын «Green Tal» шеберханасы осыдан үш ай бұрын жұмысын бастады. Негізінен аталған шеберханада мүмкіндігі шектеулі жандар, балалар үйінің түлектері және жалғызбасты аналарға бір ай бойына курс оқытылады. Егер икемі болып, одан әрі үйреніп кете алса, осында жұмысын жалғастырады дейді жоба жетекшісі Эмин Әскеров.
«Алғашқыда бізге біраз қиын болды. Өйткені бағыт беретін елімізде маман жоқ бүгінгі күні. Қазір бәрі жолға қойылды, ақырындап дамып келеміз. Бұл бұйымдардың басты артықшылығы — Қодан жасалған және экологиялық тұрғыдан алғанда таза өнім, шикізат та ешқандай қоспа жоқ. Бізге келушілердің көпшілігі мүмкіндігі шектеулі жандар. Мұнда жұмыс уақыты — 4 сағат, яғни, таңертеңгі 10-да басталып, 14:00-де аяқталады. Келушілер бірінші меңгеріп алғанша кәрзеңке тоқиды. Ал әрі қарай өздерінің фантазияларына байланысты тоқиды. Әзірге құрамымызда 10 адам бар. Сіздер көріп тұрғандай, үш айда біраз өнім дүниеге келді. Сондықтан келесі жылдан бастап нарыққа саудаға шықсақ деген ойымыз бар», — деді ол.
Сондай-ақ, жоба жетекшісі Эмин Әскеровтің айтуынша, қазір Ресей және тағы басқа көршілес мемлекеттермен келіссөз жүргізіліп жатыр. Мәселен, бұл өнер Ресей елінде әлдеқашан дамып кеткен. Олар бізге маман жіберіп, біздегі қызғушыларды үйретуге уәде беріп отыр деді ол.