Бүгін Астанадағы ҚР Ұлттық академиялық кітапханасында өтіп жатқан «Оқырман қауым – Ұлы дала елінің болашағы» атты халықаралық оқу конгресінде ҚР Мәдениет және спорт министрі Арыстанбек Мұхамедиұлы қазақ руханиятының үлкен жанашыры болған ақындар мен жазушыларға Қазақ хандығының 550 жылдығына арналған мерейтойлық медальді және алғыс хаттарды табыстады.
Қазақ хандығының 550 жылдығына байланысты еліміздің кітапханаларында кешенді мәдени шаралар ұйымдастырып, оқырмандардың Ұлы дала елінің түп тарихын терең игеріп, ежелгі жазба ескерткіштері мен сирек басылымдарды жан-жақты зерделеуге тартып, қоғамның оқу мәдениетін қалыптастыруға қосқан үлесі үшін, сондай-ақ, өркениетке көш түзеген Қазақ елінің мемлекеттік идеологиясын жастар арасында кеңінен насихаттауға атсалысқаны үшін Қытай Халық Республикасы Мемлекеттік сыйлығының лауреаты, жазушы Әкбар Мәжитұлы, Қазақстан Халық жазушысы, қоғам қайраткері Мұхтар Шаханов, жазушы Толымбек Әбдірайымұлы, ақын, аудармашы, Қырғыз жастар жазушылар одағының төрағасы Нұрлан Қалыбеков, «Нұр Отан» партиясы Әлеуметтік болжам және талдау орталығының директоры, академик, профессорҚазбек Қазкенов, С.Сейфулин атындағы Алматы облыстық әмбебап кітапханасының директорыМақпал Нұрғалиева, ақын Дәулеткерей Кәпұлы, А.С.Пушкин атындағы Шығыс Қазақстан облыстық кітапханасасының директоры Қабиба Ақжігітова, ақын, Қазақстан Жазушылар одағының Қызылорда облыстық филиалының директоры Қаршыға Есімсейітова, Қазақстан Жазушылар одағы және Жазушылар одағының мүшесі, Арал аудандық «Толқын» газетінің бөлім меңгерушісі Толыбай Абылаев Қазақ хандығының 550 жылдығына арналған мерейтойлық медальмен марапатталды.
Ақын Ертай Ақышбаева (Ақтөбе облысы), ақын, Г.Сланов атындағы Атырау облыстық әмбебап ғылыми кітапханасының хатшысы Әлия Дәулетбаева, жазушы Момбек Әбдіәкімұлы (ОҚО), ақын Әмзе Қалмырзаұлы (ОҚО), Степногор Орталықтандырылған кітапханалар жүйесінің директоры Роза Мұхамедиоваға Алғыс хаттар табысталды.