Әлемдік ірі автобрендтер — Тоyота, Nissan, Renault, Peugeot компаниялары Қазақстанда өз өндірістерін ашты. Бұл туралы Қазақстандағы белсенді шетелдік инвесторларды марапаттау рәсімі барысында ҚР ИДМ Инвестициялар комитетінің төрағасы Ерлан Қайыров мәлімдеді.
Оның айтуынша, инвестиция саласында инвестициялық омбудсмен рөлі маңызды. Омбудсмен ол ҚР Инвестициялар және даму министрі Әсет Исекешев. Ол бірқатар компанияның ағымдағы проблемаларын шешіп берді. Осының арқасында олар Қазақстанға инвестиция құю туралы шешім қабылдады.
Айта кету керек, 2000 жылдың 1-жартыжылдығы мен 2015 жыл аралығында Қазақстанға салынған тiкелей шетелдiк инвестициялардың ағыны 215 млрд АҚШ долларын құрады.
Естеріңізге сала кетсек, бүгiн ҚР Инвестициялар және даму министрi Әсет Исекешевтiң қатысуымен Қазақстандағы белсендi инвестициялық қызметi үшiн 10 шетелдiк инвестор марапатталды. Марапаттау барысында Қазақстанның индустрияландыруына, инвестициялық қызметтi кеңейтуге және жоғары технологиялық өндiрiстi дамытуға үлес қосқан компаниялар аталып өттi.