ҚР Президентінің Жарлығымен жаңа жыл қарсаңында Оңтүстік Қазақстан облысындағы 289 көп балалы ананың 68-і «Алтын алқа» тақса, 221-і «Күміс алқа» иегері атанды.
Нәтижесінде облыста 30673 ана алтын, 41 260 ана күміс алқа тағынып, еліміздің құрметіне бөленіп отыр. Аталған марапаттарды көбіне Сарыағаш пен Мақтарал аудандарының аналары алуда. Бұл туралы ОҚО әкімінің баспасөз қызметінен хабарлады.
Айта кетейік, аймақта 18 жасқа дейінгі төрт және оданда көп баласы бар 78 мыңнан астам әйел азаматтары өмір сүруде.
Өңірде ана мен бала өлімі азайып, демографиялық потенциал артты. Жыл сайын 70 мыңнан астам немесе елдегі әрбір 5-ші сәби қаймағы бұзылмаған қазақы өңірде дүниеге келеді.