Алматы көшелерін тазалауға жаңа тазалаушы техника қолданылатын болады. Асфальттың беткі қабатын бұзбайтын экологиялық тұрғыдан тиімді бұл заманауи құралдарға бюджеттен  35 млн теңге қаржы бөлінген.

Көшеде қатқан мұзды еріту үшін осыған дейін тұз бен құм аралас қоспа пайдаланылса, қолданысқа енді енгізіліп жатқан технология бойынша тазарту жұмысы реагентті ерітіндіні шашырату арқылы жүргізіледі. Бұл қоспа қатпарланған қар мен қатқан мұзды тез ерітеді.

Еркебұлан Оразалин, қалалық табиғи ресурстар және табиғатты пайдалануды  реттеу басқармасының басшысы:

— Автокөлік иелерінің көп жағдайларда арыз жазып жатқан себептерінің бірі – автокөліктер кейбір жағдайда зиян келтіреді. Тасты да қоспалар болады. Осының барлығын ажырату үшін осындай реагентке көшіп жатырмыз. Екіншіден, ол экологиялық тиімді қала үшін.