Осыдан бірнеше күн бұрын әлеуметтік медиада пакеттен Мессидің формасын жасап, киген баланың фотосы танымал болып кеткен еді. Лионель Месси бұл баланы тауып, көмектескісі келетінін де мәлімдеген болатын. Алғашқыда Kurdistan24tv арнасы бұл бала Ирактағы Хомид атты курд баласының 2 жыл бұрынғы фотосы деп мәлімдеген еді. Алайда, бұл ақпарат рас болмай шықты.

«Месси» Ауғанстаннан табылды. Мұртаза атты бүлдіршіннің бұл фотосын Австралияда тұратын Азим Ахмади атты ағасы жариялаған екен. Баланың әкесінің айтуынша Мұртаза футболды жақсы көреді және өзінің танымал болғанын интернеті бар достарынан біліпті.