Бүгін Астанадағы «Конгресс холл» сарайында «Белсенді азамат» акциясы аясында ашық есік күні өтті. Оған барлық қалалық басқармалардың басшылары қатысты.
Шараның мақсаты қала тұрғындарының көкейіндегі сұрақтарын біліп, өмір сүру сапасын арттыру мақсатында, инфрақұрылым жұмысын жақсарту бойынша ұсыныстарын қаперге алу болатын. Сондай-ақ, басқармалардың басшылары былтыр атқарылған жұмыстардың қорытындысын шығарып, осы жылға арналған жоспарларымен бөлісті. Шаһар тұрғындары өз сұрақтарын ауызша және жазбаша түрде жолдауға мүмкіндік алды.
Бұл бастама қалалық әкімшіліктің ұйымдастыруымен алғаш рет өтіп отыр. Алдағы уақытта жыл сайын екі рет өткізу жоспарда бар.