3-5 маусым аралығында «Қазақстан» спорт сарайының жанындағы Студенттік паркте алғаш рет «Гүлдене бер, менің Қазақстаным» атты гүлдер фестивалі өтеді.

Елорданың ресми сайтының хабарлауынша, мерекелік шара барысында гүлдердің 32 мыңнан астам түрі көпшілік назарына ұсынылады.

— Гүлдер фестивалінің мақсаты — гүл өсіру дәстүрін жаңғырту, мәдени кеңістік мүмкіндіктерін кеңейту, елорда тұрғындары мен қонақтарын қаланың экологиялық дамуына тарту,- дейді «Астана көгалдандыру құрылыс» АҚ басқарма төрағасы Әділхан Әбілдинов.

Ұйымдастырушылар көрермендер үшін қызықты бағдарлама әзірлемек. Шара барысында «Гүлден сабын жасау» тұжырымдамасына қатысуға болады, онда ересектер мен балалар өз қолымен гүлдің хош иісі бар сабындар мен балауыздар жасауды үйренеді. Бір жылдық гүлдер отырғызу бойынша шеберлік дәрістері өтеді, гүлдер базарынан отандық өндірушілердің өнімдерін сатып алуға болады, гүлдерден басқа түрлі ағаштар мен бұталар да сатылады. Сонымен қатар, парк аумағында «гүлдер» аспаздығынан дәм тату мүмкіндігі туады.