Бүгін футболдан Еуропа чемпионаты басталады. Кәрі құрлықта өтетін осы жарыс додасын «Қазақстан» ұлттық арнасынан тамашалауға болады.

Атап айтқанда, бүгін Франция мен Румыния командалары арасындағы ойынды тікелей эфирде жанкүйерлер сағат 00-40-та көре алады.

Ал ертең «Албания — Швейцария» командаларының арасындағы ойынды «Kazsport» телеарнасынан сағат 18-50-де көруге болады. Ал Англия мен Ресей командалары арасындағы ойынды тікелей эфирде сағат 00-50-де «Қазақстан» ұлттық телеарнасы көрсетеді.

Еуропа чемпионаты 10 шілдеге дейін созылады. Биыл Еуропа чемпионатын еліміздің жанкүйерлері «Қазақстан» ұлттық арнасы мен «Kazsport» телеарнасы арқылы көру мүмкіндігіне ие болып отыр.