Елорда күніне орай Астана қаласында 4-6 шілде аралығында VII «Астана самалы» халықаралық үрмелі аспаптар оркестрлерінің фестивалі өтеді, деп хабарлайды қалалық әкімдіктің баспасөз қызметі. Аталған шара астаналықтарды бірнеше жылдан бері қуантып келеді.

Биыл Астана қаласының әкімдігі Мемлекеттік академиялық филармониясының, ҚР Ұлттық ұланының, Шығыс Қазақстан облыстық филармониясының, Тагилдың «Тагил- BEND» және Ресейдің Муниципалды Оренбургтің үрмелі аспаптар оркестрлері өз өнерлерін ортаға салады. Фестивальдің арнайы қонағы – 1976 жылы ежелгі жалаумен ойнау өнерін жандандыру мақсатында құрылған Storici Sbandieratori delle Contrade di Cori фольклорлық тобы. Бұл топ Қайтар өрлеу дәуірінің керемет костюмдерін киіп, өткен заманның ғажайып жай-күйін қалыптастырады. Трубаның таза дыбысы, дауылпаздардың ырғақты дабылы, орындаушылықтың ойнақылығы көрермендерді таң қалдырып,  шаттыққа бөлейді.

Концерттің ашылуы 4 шілде күні сағат 20.00-де қалалық алаңда өтеді. 5 шілдеде сағат 11.00-де қала әкімдігінің алдындағы алаңда плац-концерт, осы күні кешке «Бәйтерек» монументінің сахнасында бэнд-марафон ұйымдастырылады. Барлық ұжымдар өнер көрсететін фестивальдің «Астана самалы — 2016» соңғы шеру-концерті 6 шілде күні сағат 11.00-де Әскери-тарихи музейден бастап, Республика даңғылының бойымен «Жастар» сарайына дейін өтеді.