Қазақ көшпелі болса да, өте таза халық болған. Киіз үйге шыбын-шіркей кіріп кетпес үшін, салқын болып тұру үшін ши тоқып, киіз үйдің керегесіне іліп қойған екен. Сондай-ақ, құрт жаюға, тары сүзуге, басқа да тұрмыстақ мүдделерде қолданған шидің артықшылықтары туралы Роза Жасбалаева айтып берді. Қолөнер шебері «Мыңжылдықтар тоғысқандағы Астана» атты көшпенділер өркениеті фестиваліне Алматы қаласынан арнайы келген. Фестиваль қонақтарына жіп иіруден, ши тоқудан, текемет басудан, сырмақ тігуден шеберлік көрсетіп, қазақ қол өнерінің байлығы туралы түсіндірді. «Арнайы мамандығым жоқ. Мұның бәрін неміс анамнан үйрендім.» дейді ол.

Автор: Шырақ Байкенова