30-31 шілдеде ауыл шаруашылық жәрмеңкесінде Алматы облысының тауар өндірушілері өз өнімдерін ұсынады. Б. Момышұлы даңғылында орналасқан Оқушылар сарайының жанында облыстағы 3 қала мен 15 ауданда шығарылатын 38 өнім түрі сатылатын болады, деп хабарлайды қалалық әкімдіктің баспасөз қызметі.

Жәрмеңкеде 160 млн теңгенің 323 тонна ауыл шаруашылық өнімі өткізіледі.

Қала тұрғындары құс етін, балық, көкөністер, жемістер, картоп, сүт өнімдерін, бал, жұмыртқа және т.б. өнімдерді төмен бағамен сатып ала алады.