Қапшағай қаласының 100 гектар алма бағы алғашқы өнімін береді

1151

Қапшағай қаласына қарасты Шеңгелді ауылының маңындағы алма бақ биыл алғашқы өнімін береді. 2011 жылы салынған интенсивті бақтың аумағы 100 га.

Тамшылатып суару әдісін қолданатын шаруашылық шамамен әр гектарынан 5-7 тоннаға дейін алма жинауды жоспарлап отыр. Бұл жерде алманың «голден делишес», «старкримсон», «заря алатау» сорттары өсірілуде. Кәсіпорын алғашқы өнімін Алматы қаласының сауда орындарына өткізбек. Бұл жобаға 2 млрд теңге инвестиция тартылды.

Сондай-ақ осы «НұрАгро» агрофирмасы 103 гектар аумаққа пияз өсіріп жатыр. Пияз алқабы да тамшылатып суарылады. Шаруашылық басшысы Қасымжан Жанұзақовтың айтуынша, тамшылатып суару әдісімен мол өнімге қол жеткізіп отыр. Пияз негізінен Ресей және Украинаға экспортталады.

 

Бөлісу:
Алдыңғы мақалаАлматы облысында мемқызметкерлер арасында «Тіл шебері – 2017» байқауы өтті
Келесі мақаладаАлматы облысының тарихы