Шығыс Қазақстан облысында азық-түлік бағасының қымбаттығына шағымдануға болатын жедел желі жұмыс істеп тұр. Бұл туралы Бәсекелестікті қорғау және дамыту агенттігі ШҚО бойынша департаменті хабарлады.
«Заң бойынша әлеуметтік маңыздағы азық-түліктің құны өндірушінің сату бағасының немесе көтерме жеткізушінің сатып алу бағасының 15 пайызынан аспауы тиіс», — деді департамент басшысының орынбасары Ренат Нәбиев.
Қалаларда, аудан орталықтарында және орталықтан 200 шақырымнан аспайтын жерде орналасқан елді мекендерде газдың шекті бағасы – 60 теңге. Егер ауылдың қашықтығы орталықтан 200 шақырым немесе одан да көп болса, онда литріне 65 теңгеге бағаланады. Жазғы және маусымаралық дизельдік отынның шекті бағасы – 260 теңге. Бензиннің шекті бағасы: АИ-80 – литрі 89 теңге, АИ-92 – литрі 182 теңге, АИ-93 – литрі 182 теңге, АИ-95 – литрі 215 теңге.
Шығыс Қазақстан облысы бойынша жедел желі нөмірі – 8-705-280-45-13.