Атырау қаласында ВИЧ-инфекциясын қасақана жұқтыруға қатысты күдікпен екі адамның заңсыз әрекеті тоқтатылды.
Тергеу деректеріне сәйкес, жасы 23 және 28-дегі азаматтар 2025 жылғы желтоқсаннан бері ВИЧ-инфекциясы бойынша арнайы медициналық есепте тұрғанына қарамастан, трансгендер тұлға ретінде танысып, ақылы интимдік қызмет көрсетуді жалғастырған.
Жедел іс-шараларды Атырау облысы полиция департаменті-нің ұйымдасқан қылмысқа қарсы күрес басқармасының қызметкерлері жүргізді. Күдіктілер ұсталып, уақытша ұстау изоляторына қамалды.
Аталған дерек бойынша өзінде ВИЧ-инфекциясы бар екенін біле тұра өзге адамды жұқтырды деген күдікпен қылмыстық іс қозғалды. Қолданыстағы заңнамаға сәйкес, мұндай әрекет үшін 5 жылдан 10 жылға дейін бас бостандығынан айыру жазасы көзделген.
Қазіргі уақытта қажетті тергеу амалдары жүргізіліп, ықтимал жәбірленушілердің тізбесі анықталып жатыр. Әрбір дерекке құқықтық баға беріліп, кінәлілер заң аясында жауапкершілікке тартылады.