Былтыр стадионда футбол матчы кезінде, спорт кешенінің шатыры тудың тұғырын басып қалғаны болатын. Сол кезде қауіп-қатерге қарамастан, шатырдың астынан Көк байрақты алып шыққан жастарға мемлекет басшысы Қасым-Жомарт Тоқаев алғысын білдірді.
«Шынайы отаншылдық осындай әрекеттен көрінеді. Құр сөзден түк шықпайды. Алаңдарға шығып, жалған ұран тастап жүргендердің, меніңше, нағыз отансүйгіштікке ешқандай қатысы жоқ.
Қастерлі туымызды жерге түсірмей алып шыққан бірнеше жігіт бүгін ортамызда отыр. Олардың Отанға деген адалдығын жастарға үлгі етуіміз керек. Осыған орай, мен Әбілқайыр Дәулетов, Бекмұрат Қараев және Нұркен Намазға Алғысымды жариялаймын»
