Jas.kz

Мектеп қабырғасында да, жоғарғы оқу орнында да бізді ешкім қаржыны дұрыс жұмсауға үйретпейді. Қаржы өмірдегі басты мақсат емес, дей тұра жақсы өмір сүрудің ең қажетті құралы екені анық. Сондықтан қаржылық тәуелділікке түсіп қалмас үшін біз Сіздерге ақшаны дұрыс пайдаланудың алты алтын ережесін ұсынамыз.

Шығыныңыз табысыңыздан аз болсын

Қаржыны дұрыс пайдаланудың бірден бір ережесі бар болса, ол – Сіз жұмсайтын ақша мөлшері табатың ақшаңыздан асып түспеуі керек. Осы бірінші алтын ережені өзіңізге міндет көріңіз.

Бұл жерде шығындарға несие бойынша төлемдер, коммуналдық төлемдер, азық-түлік пен балабақша төлемдері, және т.б. кіреді. Осы басты ережені сақтамасаңыз, басқа кеңестердің сізге көмегі тиетіні екі талай.

Әрбір тапқан ақшаның бір бөлігін жинап отырыңыз

Әдетте, әрбір табыстың  небары 10% — 15% депозитке салып тұрсаңыз да, жылдың соңында қомақты ақша жиналып қалады. Бұл бірінші ережеге сәйкес келеді. Себебі белгілі бір уақыт аралығында Сізде тұрақты резевр қалыптасады.

Қаржыларыңызды бір қалыпқа келтіріңіз

Несие мен несие карточкалары неғұрлым көп болса, ақшаның қайда кетіп жатқанын қадағалау да соғұрлым қиындай түседі. Таң қалмаңыз, бірақ ақша сақтауға арналған депозиттер мен есепшоттардың саны да қаражатты қадағалауды қиындатады. Сондықтан, барлық карточкалар, несиелер, депозиттер мен есепшоттарыңызды тағы бір рет тексеріп, артықтарын біріктіруге, не болмаса жауып тастауға тырысыңыз.

Болашақтағы табысқа сенбеңіз

Қаржы қадағалаудың ең қу жауы – өзіңіз. Әсіресе «болашақ мен» және сол «болашақтағы менің табысым». Әрине, қиялдай алған жақсы. Себебі «болашақ мен» ертең жалақысы миллион болатын жұмыс табады, жолда келе жатып, кенеттен байып кетуге көмектесетін ақша тауып алады, не болмаса, жоғары лауазымға ие болады. Бірақ бір нәрсені ұмытпаңыз – «болашақ мен» болашақта қазіргіден де аз ақша табуы мүмкін.

Жеке бюджетіңізді қадағалаңыз

Оған арналған бағдарламалар қазір өте көп. Оларды ұялы телефонға не болмаса жеке компьютеріңізге жүктеп алсаңыз болады. Не болмаса, қарапайым Excel бағдарламасын қолданса болады. Екі баған жеткілікті: бірі – кірістеріңіз, екіншісі – шығыстарыңыз. Ең бастысы, уақытылы толтырып тұрсаңыз болды. Айдың соңында ақшаның қандай мөлшері керек нәрсеге, қанша ақша керек емес нәрсеге кеткенін көретін боласыз.

Коммуналды төлемдерді мұқият тексеріңіз

Көп жағдайда біз түбіртектегі 500 тенгеден аспайтын сандарды байқамаймыз. Әдетте олардың арасына сіз мүлдем пайдаланбайтын радио, қоқыс шығару, баяғыда істен шығып кеткен байқау камерасының төлемі сияқты төлемдер қосылады. Санап келгенде жылдың соңында артық төлеген ақшаның мөлшері Сізді таң қалдыру мүмкін.

comode.kz

Жұлдызнамаға сәйкес 2016 жылы 3 шоқ жұлдыз кәдімгідей байи алады екен. Шығыс күнтізбесіне, яғни Қытай астрологиясы мен фэн-шуйға назар аударсақ, 2016 жыл – жай ғана Мешін жылы емес, Отты Маймыл немесе Қызыл Маймыл жылы екен. Ал колориметрия ғылымына сүйінсек, Қытайда қызыл түс байлық пен дамудың белгісі есептеледі. Сондықтан дәл осы 2016 — Қызыл Маймыл жылы Жұлдызнаманың 3 шоқ жұлдызына кенеттен баюға барлық мүмкіндік бар.

Бүгінде бай-қуатты болуды армандамайтын адам жоқ шығар. Бірақ та, байлық екінің бірінің маңдайына жазылмаған. Рас, кейде кездейсоқ байығандар кездесіп қалады, бірақ олардың саны өте аз.

Біздің санамызға байлық қажырлы еңбекпен ғана келеді деген ой әбден сіңіп кеткен болса керек, бір жыл ішінде байып кетуге болады дегенге сене қоймайтынымыз да рас. Дей тұра, астрологтардың айтуынша, кенеттен миллионер атануға әркімнің-ақ мүмкіндігі бар, тек қана барлығы бір арнайы уақыт пен сол уақытқа жұлдыздың сәйкес келуі жеткілікті. Қызыл Мешін жылы, яки биыл Жұлдызнаманың қандай 3 шоқ жұлдызы күтпеген жерден есепсіз байлыққа қол жеткізетінін анықтайық. Олар:

Егіздер

2016 жылдың көктемінде Егіздердің жанынан өте бай, бірақ билікке тым құмар жан табылады. Біздерге белгісіз оқиға негізінде сол адам Егіздердің өмірін күрт өзгертеді. Нақтырақ айтқанда, оның арқасында келесі таңды Егіздер миллионер дәрежесінде қарсы алады. Бірақ өкінішке орай, бәрі емес. Себебі, миллионер болуға басқа емес, Сіз лайық екеніңізді, әрине, көрсете білу керек, дәлелдей алу керек. Астрологтардың кеңесі бойынша, осы жылы Егіздер өзінің жанындағы дәулетті адамдарға ерекше көңіл бөлгені абзал.

Арыстан

Арыстандар тым темпераментты, импульсивты жандар. Жұлдызнамаға сәйкес, олар — ойынқұмар. Кейде сол ойынқұмарлықтары жылатып та жатады. Дей тұра, Қызыл Мешін жылы Арыстандар үшін олжалы болмақ. Өкінішке орай, жыл бойы емес. Астрологтардың жормалы бойынша, мамырдың ортасынан тамыздың соңына дейін Арыстандар үшін сәттілікке толы уақыт. Дәл осы уақытта ойынқұмар және баюға ынтызар Арыстандар жай ғана шағын сый емес, Джек-пот ұтып алып, бай адамдардың қатарына қосылуы әбден мүмкін.

Суқұйғыш

Суқұйғыштардың шығармашылық фантазиясы мол екендігі ешкімге құпия емес болар. Дәл осы белгі үшін 2016 жыл ерекше болмақ. Ақпан айынан бастап Суқұйғыштар «идея генераторына» айналады. Және сол идеялардың бірі оларды танымал етіп, байлықтың иесіне айналдырады. Алайда бұл болжам ғылыми жұмыстармен айналысып жүрген Суқұйғыштарға ғана жасалды деп шектеуге болмайды. Ғылымға ешқандай қатысыңыз болмаса да, Сіздің идеяңыз адамның өмірін жеңілдетіп, жаңа мүмкіндіктерге жол ашар. Сондықтан, астрологтар Суқұйғыштарға ойлану мен бай болуды армандаудан жалықпауды кеңес етеді.